सर्लाही, २० असाेज । जेनजी आन्दोलनबाट सत्ता गुमाएका एमाले अध्यक्ष केपी शर्मा ओलीलगायतलाई पक्राउ गर्न माग गर्दै सामाजिक सञ्जालमा अभियान चलाइएको छ । जेनजी अभियन्ताहरूको आह्वानमा सामाजिक सञ्जालमा #ARRESTKPOLI, #ARRESTRAMESHLEKHAK र #ARRESTMURDERERS अभियान चलाइएको हो । अभियान चलाइएको बताइएको छ ।
सार्वजनिक एक पोस्टरमा ओली र तत्कालीन गृहमन्त्री रमेश लेखकको फोटो राखिएको छ । जसमा उनीहरुलाई ‘हत्यारा’को रूपमा चित्रित गर्दै ‘हत्या गर्नेहरूलाई पक्राउ गर्नुहोस्, नत्र कदम चाल्न बाध्य हुनेछौँ’ भनिएको छ ।
यसैगरी हामी नेपाल अभियानका संयोजक सुदन गुरुङले समेत सामाजिक सञ्जालमा उक्त पोस्टर पोस्ट गर्दै ओली र लेखकलाई पक्राउ गर्न माग गरेका छन् ।
उनीहरूलाई पक्राउ गर्न दबाब दिन ट्रेन्ट चलाउन उनले आह्वान गरेका छन् । यसअघि नै ओलीलगायत जेनजी आन्दोलन दबाउन जिम्मेवार रहेको दाबी गर्दै राजधानीबाहिर जान समेत रोक लगाइसकिएको छ ।