सर्लाही, ३० कार्त्तिक । जनकपुरधामका युवाहरूले मधेस प्रदेशसभा विघटन गरी राष्ट्रपति शासनको माग गरेका छन् ।
युवाहरूले भ्रष्टाचार, बेथिति र राजनीतिक किचलोले आजित भएको भन्दै राष्ट्रपति शासनको माग गरेका हुन् ।
तत्कालीन मुख्यमन्त्रीको राजीनामा पछि प्रदेशमा बढेको सत्ताको छिनाझपटीले युवाहरूलाई चिन्तित बनाएको छ ।
जनकपुरधामका युवाहरूले मधेसमा प्रदेशसभा विघटन गरी राष्ट्रपति शासन लागू गर्न माग गरेका छन् । राजनीतिक किचलोबाट आजित भएर उनीहरु सो माग गरिएको जनाएका छन् ।
जनकपुरधामका युवाहरूको एक समूहले आइतबार प्रदेश प्रमुख डा.सुरेन्द्र लाललाई ज्ञापन पत्र बुझाउँदै राष्ट्रपति शासन लागू गर्न माग गरेका हुन् ।
उनीहरुले पछिल्लो समयमा देखिएको भ्रष्टाचार, बेथिति तथा राजनीतिक नाटकले मधेसी जनता आजित भएको भन्दै राष्ट्रपति शासन एक मात्र विकल्प रहेको ज्ञापनपत्रमा ठहर गरेका छन् ।
तत्कालीन मुख्यमन्त्री जितेन्द्र सोनलको राजीनामा पछि प्रदेशमा बढेको सत्ताको छिनाझपटीले सङ्घीयतासँगै मधेसी जनता समेत बदनाम भएको उनीहरूको भनाइ छ ।
ज्ञापनपत्रमा प्रदेशसभालाई विघटन गरी नागरिक सरकार वा राष्ट्रपति शासनमार्फत नयाँ निर्वाचनमा जानु उपयुक्त हुने सुझाव दिइएको छ ।