सर्लाही। खानेकुरामा भएको फलाम तत्त्वले शरीरमा रगत बनाउन र स्वस्थ राख्न मद्दत गर्दछ । शरीरमा फलाम तत्त्वको पर्याप्त नभएमा रगतको कमी हुन्छ ।
रिङ्टा लाग्ने, कमजोरी हुने, आलस्य लाग्ने, मुख फुस्रो हुने हुन्छ । रगतको कमी भएमा बच्चा राम्ररी बढ्न सक्दैन । बच्चा कमजोर हुन्छ र खानेकुरा रुच्दैन । यसका साथै बच्चाहरूमा ध्यान दिए र सुन्ने क्षमता हुँदैन । महिलाहरू र १२ वर्षदेखि माथिका केटीहरूमा रगतको कमी हुने समस्या बढी देखिन्छ ।
रगतको कमी कसरी थाहा पाउने ?
– आँखाको डिलमा रातोपन कम वा धेरै फुस्रोपन देखिएमा
– नङ फुस्रो, सेतो देखिएमा
– नङको आकार चम्चा जस्तो भएमा
– अनुहार फुस्रो देखिएमा
– काम गर्दा छिट्टै थाक्ने, स्वाँ—स्वाँ भएमा
– रिङ्टा लाग्ने, कमजोरी महसुस भएमा
फलाम तत्त्व पाइने स्रोतहरू
– हरियो सागपात
– काउलीको पात
– गेडागुडी
– कोदो, चिउरा
– गुन्द्रुक
– फलामको भाँडामा पकाएको खानेकुरा
– कलेजो, मासु, अन्डा र माछा
भिटामिन सी भएका फलफूल, तरकारीले शरीरमा भएको फलाम तत्त्वलाई शोषण गरी मद्दत गर्दछ ।