संतोष कर्ण
सर्लाही, २० मंसिर। कविलासी नगरपालिका, स्वास्थ्य शाखाको आयोजनामा कविलासी न.पा. को गैर आयुर्वेद अस्पतालको सभा हलमा २२ सौ स्वास्थ्य स्वयं सेविका दिवस मनाएको छ ।
कविलासी नगरपालिकाको उप प्रमुख पुनम कर्णको अगुवाइमा स्वास्थ्य स्वयं सेविकाहरु नगर परिक्रमा गरि कार्यक्रम स्थलमा पुगेर कविलासी न पा को नगर प्रमुख ब्रह्मदेव यादवको अध्यक्षतामा कार्यक्रम सम्पन्न भएकोछ ।
कार्यक्रममा बिभिन्न वडाका स्वास्थ्य स्वयं सेविकाहरु विच स्वास्थ्य सम्बन्धी हाजिरी जवाफ प्रतियोगिता पनि गराइएको थियो।सो प्रतियोगितामा सलेमपुर प्रथम कबिलासी दोस्रो र पिपरियाले तेश्रो स्थान प्राप्त गरेको थियो ।
कार्यक्रममा सबै वडाका स्वास्थ्य स्वयं सेविकाहरुको कार्यको उच्च मूल्याङ्कन गर्दै न्युनतम सेवा सुविधा लिएर काम गरेकोले कविलासी न पा का मेयर ब्रम्हदेव राय र उप मेयर पुनम कर्ण ले प्रशंसा गर्दै उनीहरुलाई प्रोत्साहन स्वरुप झोला,स्वेटर,छाता र टर्च उपाहार प्रदान गरेका थिए ।
कार्यक्रममा स्वास्थ्य संयोजक संजय झा उप स्वास्थ्य संयोजक नितु यादव सलेमपुरका स्वास्थ्य प्रमुख कार्यपालिका सदस्य बिनय कर्ण, बिष्णु झा तथा बिभिन्न वडाका स्वास्थ्य स्वयं सेविकाहरुको उल्लेख उपस्थित रहेको थियो ।
बक्ताहरुले स्वयं सेविकाहरुले समाजमा गरेका कामको प्रशंसा गर्दै समस्या समाधान का उपाय र कार्यको उच्च मूल्याङ्कन गर्दै अगामी दिनमा सेवा सुविधा बढाउदै लैजाने प्रतिबद्धता गर्दै कार्यक्रम सम्पन्न भएको थियो ।