सर्लाही, ०३ जेठ । महालेखा नियन्त्रक कार्यालयले एकसाथ दुई दर्जन सवारी साधन लिलाम बिक्री गर्ने भएको छ । कार्यालयले एक सूचना प्रकाशित गर्दै १५ दिने बोलपत्र आह्वान गरेको छ ।
कार्यालयका अनुसार सो कार्यालयको परिसरमा रहेका पुराना ५ वटा चार पाङ्ग्रे र २० वटा मोटरसाइकलको लिलाम बिक्री गर्न लागिएको हो । लिलाम गर्ने सम्पूर्ण सामानको न्यूनतम मूल्य करबाहेक ६ लाख ६३ हजार राखिएको सूचनामा उल्लेख छ ।
अहिले सरकारी निकायहरूले पुराना सवारी साधनको लिलाम बिक्रीलाई तीव्रता दिएका छन् ।