सर्लाही, २० असोज । नेपाली कांग्रेसको इतर पक्षबाट संस्थापन पक्षमा फर्किएका नेताहरूले पार्टीको १५औँ महाधिवेशनमा विभिन्न पदमा उमेदवारी दिने तयारी गरेका छन् ।
इतर पक्षबाट संस्थापनमा फर्किएका नेता मीन विश्वकर्माले महामन्त्री पदमा उमेदवारी दिने तयारी गरेका छन् । बाह्रखरीसँग कुरा गर्दै विश्वकर्माले भने, “सहमहामन्त्रीमा त टीको लगाएर दिए पनि म मान्दिनँ, महामन्त्रीमा मेरो दाबेदारी छ ।”
त्यस्तै, नेता रामहरि खतिवडाले सहमहामन्त्रीमा खुलातर्फ उमेदवारी दिने तयारी गरेका छन् । “खुलातर्फ सहमहामन्त्रीमा मेरो दाबेदारी छ,” खतिवडाले बाह्रखरीसँग भने ।
अर्का नेता श्याम घिमिरेले केन्द्रीय सदस्य खुलातर्फ उमेदवारी दिने तयारी गरेका छन् ।