सर्लाही, २४ असोज । सर्लाहीको हरिपुर नगरपालिका–८ जगतपुरमा म्याजिकको ठक्करबाट मोटरसाइकल चालकको मृत्यु भएको छ ।
मृत्यु हुनेमा मलंगवा नगरपालिका–७ गणेशियाका ३० वर्षीय अरविन्द साह छन् । शनिबार बिहान करिब ८ः१५ बजे नवलपुर-मलंगवा सडकखण्डमा नवलपुरबाट मलंगवातर्फ आउँदै गरेको ना.१ ज ६३०८ नम्बरको म्याजिकले विपरीत दिशाबाट जाँदै गरेको मधेश प्रदेश ०२–०१० प २२२१ नम्बरको मोटरसाइकललाई ठक्कर दिएको थियो ।
ठक्करबाट गम्भीर घाइते भएका साहलाई उपचारका लागि प्रादेशिक अस्पताल मलंगवा पुर्याइएको थियो। उपचारकै क्रममा चिकित्सकले उनलाई मृत घोषणा गरेका थिए ।
दुर्घटनापछि सम्पर्कविहीन भएका म्याजिक चालक ३३ वर्षीय नजामुदिन बैठा प्रहरीको सम्पर्कमा आएको प्रहरीले जनाएको छ ।
प्रहरीले दुवै सवारीसाधन नियन्त्रणमा लिएर घटनाबारे थप अनुसन्धान गरिरहेको छ ।