काठमाडौं, १८ कार्तिक । अमेरिकाका पूर्वराष्ट्रपति बाराक ओबामाले मध्यावधि निर्वाचनमा आफ्नो पार्टीले हासिल गरेको ठूलो सफलताले अमेरिकी जनता परिवर्तनको पक्षमा रहेको स्पष्ट पारेको बताएका छन् ।
सामाजिक सञ्जाल एक्समा प्रतिक्रिया दिँदै ओबामाले अमेरिकी जनताले विभाजनभन्दा एकता र आफूले सामना गरिरहेका चुनौतीको ठोस समाधान दिने नेतृत्व चाहेको बताएका छन् ।
उनले लेखेका छन्, ‘आज राति अमेरिकी जनताले स्पष्ट सन्देश दिएका छन्– उनीहरू विभाजन होइन, मानिसहरूलाई एकताबद्ध गर्ने राजनीति र आफूले सामना गरिरहेका चुनौतीको ठोस समाधान प्रस्तुत गर्ने नेतृत्व चाहन्छन् ।’
ओबामाले मिसिगन र जर्जियाजस्ता प्रतिस्पर्धात्मक राज्यमा डेमोक्रेटिक पार्टीका विभिन्न उम्मेदवारको पक्षमा चुनावी प्रचारसमेत गरेका थिए ।
उनले अब आफ्नो पार्टीको जिम्मेवारी थप सक्रिय भएर काम गर्ने, जहाँ सम्भव छ त्यहाँ परिवर्तन ल्याउने, थप क्षति हुन नदिने र भविष्यका लागि आधार तयार गर्ने रहेको बताएका छन् ।